ප්‍රාදේශීය ලේකම් කාර්යාලය - පස්සර

පූර්ව ළමාවිය සංවර්ධනයේදී පෙර පාසල් ගුරුවරියන්ගේ කාර්යභාරය, මුල් ළමාවියේදී දරුවන්ගේ මොළයෙහි ක්‍රියාකාරීත්වය හා ඒ සඳහා උත්තේජන ලබා දිය යුතු ආකාරය, දරුවන් ස්වභාවික පරිසරය සමඟ සම්බන්ධ කිරීමෙහි වැදගත්කම සහ දරුවන්ගේ මානසික සෞඛ්‍ය සඳහා දෙමාපියන්ගේ මානසික සෞඛ්‍ය කොතරම් වැදගත් ද යන කරුණු ඇතුළු මාතෘකා ගණනාවක් යටතේ මෙම වැඩමුළුව පවත්වන ලදී.

ප්‍රාදේශීය ලේකම්තුමියගේ සහ සහකාර ප්‍රාදේශීය ලේකම්තුමියගේ උපදෙස් හා මඟපෙන්වීම මත, පරිපාලන නිලධාරීතුමියගේ සහභාගීත්වයෙන්, ආයුර්වේද වෛද්‍ය නිලධාරිනී අයේෂා කුමාරවඩු මහත්මියගේ හා මුල් ළමාවිය සංවර්ධන නිලධාරීතුමියගේ සම්බන්ධීකරණයෙන් මෙන්ම ඌව පළාත් ආයුර්වේද රෝහලේ වෛද්‍ය භාතිය දසනායක මහතාගේ සම්පත්දායකත්වයෙන් මෙම වැඩමුළුව 2026 මාර්තු මස 20 වන දින ප්‍රාදේශීය ලේකම් කාර්යාල ශ්‍රවණාගාරයේදී ඉතා සාර්ථකව පවත්වන ලදී.

ජනාධිපති අරමුදලේ වෛද්‍යධාර ගෙවීම් දෙවන චෙක්පත පස්සර කොට්ඨාසයේ  පදිංචි  ටී. එම්. ඩී. ඒ තෙන්නකෝන් මිය වෙත රුපියල් 150000.00  චෙක්පත පස්සර  ප්‍රාදේශීය ලේකම්තුමිය අතින් 2026.01.19 දින ලබා දීමට කටයුතු කරන ලදී.